قلبى ده غلبان اوى

قلبي ده غلبان أوي

زي أي جرح عابر

زي صفحة بتنطوي

زي طفل صغير بيبكي

لما حلمه بينكوي

لو تكوني انتي أمه

أو تكوني حتى همه

تاخدي حضنه وتحتوي

وتقوليله ميت حكاية

عن قلوب تانية كتير

عن قلوب توعد وتوفي

أو قلوب تجرح وتشفي

أو قلوب شوكها حرير

بس دايماً تنسي تحكي

قصة القلب الكبير

اللي دابت فيه ملامحك

واللي أصبحلك أسير

يا حبيبتي يا أحلى غية

تسمحي لقلبي يطير؟

كتابة ( عمرو الجن )